Ji baroyan daxuyaniya hevpar: dıvê madena zêr a lı nahalê zelal (îlîç) a erzınganê demıldest were gırtın.

Tespîtên li ser nizilîna siyanurê ku tê gotin di 21ê Hezîranê roja sêşemê saet di 02:45'an de li navçeya Nahalê Zelal (Îlîç) a Erzinganê piştî teqîna di xeta lûleyê de ku siyanûrê dibir kana zêr a ku ji hêla şîrketeke navneteweyî ve tê xebitandin, nêzî 20 ton solusyona siyanurê tevlî çemê Firat û Bendava Kebanê bûye û ava bi siyanur gihiştiye Bendava Îliçê ya ku li ser Çemê Firatê hatiye avakirin; di nav hemû raya giştî de rê li ber fikareke mezin ve dike.

Ji hêla Serdozgeriya Komarê ya Îliçê ve ji ber bûyerê lêpirsîn hat destpêkirin û hat ragihandin ku ji ber nizilînê 16 milyon û 441 hezar TL cezaya pere ya îdarî li şîrketê hatiye birîn.

Her çend li herêma ku di bin xetereya erdhejê de ye livdariyeke jeolojîk tunebûye jî teqîna lûleyan mezinahiya metirsiyê û nebûna kontrolê derdixîne holê; ji ber ku pêvajoya veqetandina zêr di kanê de hîna bênavber 24 saet berdewam dike jî hema hema vexwendinek ji bo felaketên nû dertîne.

Digel ku bûyerên bi vî rengî li hin bajarên me yên din jî hatine jiyîn şîrket her carê bêyî ku guh li vê rewşê bidin hilberînê didomînin û ji bo zêdekirina kapasîteyê dikarin serlêdanê pêk bînin.

Çûyîna bûyerê bi me Çernobîlê tîne bîra mirov! Ger xeterî tenê bi navçeya Îlîçê sînorkirî nebe û îhtîmala nizilîna kîmyewî ya li bendavan veguherîbe rastiyê, wê demê tevahiya herêma me ya Başûrê Rojhilatê Anadolê û Rojhilata Navîn rasterast di bin gefê de ye. Eşkere ye ku ji bilî Erzinganê li nêzî 20 bajarên din qadên çandiniyê jî dê bikevin bin bandora vê felaketê.

Li navçeya ku rezerva zêr ya herî mezin lê ye, ji sala 2010'an vir ve bêyî ku tedbîr bên girtin û tesîsên dawerînê bên avakirin zêr bi siyanûrê tê derxistin; Qada lêgerîna zêr tevî xwezayê gefê li tendurustiya me jî dixwîne. Ger wisa berdewam bike em dê di demeke nêz de ava şirîn a paqij li welatê xwe nebînin.

Divê em ji bo xatirê zêran dev ji çavkaniyên xwe yên jiyanê ku xwediyê pêwistiyeke çandinî û jiyanî ne bernedin û xwezaya xwe pir baş biparêzin.

Li hember vê karesata ku dibe sedema gelek ziyan û binpêkirinên wek jehrîkirina çavkaniyên avê, tunekirina pirengiya biyolojîkî, bêîmkaniya gihîştina xureka saxlem, qirêjiya hewa û axê ku rê li ber gelek zirar û binpêkirinan ve dike beriya ku tu candarek zerarê bibîne; divê ruhsata şîrketa madenê bê betalkirin û demildest xebatên wan ên lêgerîna zêr bên rawestandin.

Em baroyên ku îmzeya wan li jêr e; bi zanebûna ku ev welat aîdî me hemûyan e û ya herî zêde ya nifşên paşerojê ye, em dê li hember texrîbatên ku bi rûxîna ekolojîk li ser tenduristiya gel pêk tîne tênêkoşîna xwe bilind bikin û destûrê nedin ku ji bo rantê çar aliyên welêt bên tunekirin.

Em bi rêzdarî ji raya giştî re radigihînin.


1- Baroya Edenê

2- Baroya Semsûrê

3- Baroya Afyonkarahîsarê

4- Baroya Agiriyê

5- Baroya Aksarayê

6- Baroya Amasyayê

7- Baroya Enqerê

8- Baroya Antalyayê

9- Baroya Erdexanê

10- Baroya Artvînê

11- Baroya Aydinê

12- Baroya Balikesîrê

13- Baroya Bartinê

14- Baroya Êlihê

15- Baroya Bîlecîkê

16- Baroya Çewlîgê

17- Baroya Bolûyê

18- Baroya Bûrdûrê

19- Baroya Bûrsayê

20- Baroya Çanakkaleyê

21- Baroya Çankiriyê

22- Baroya Çorûmê

23- Baroya Denîzliyê

24- Baroya Amedê

25- Baroya Duzceyê

26- Baroya Edîrneyê

27- Baroya Erzînganê

28- Baroya Erzeromê

29- Baroya Eskîşehîrê

30- Baroya Dîlokê

31- Baroya Gîresûnê

32- Baroya Gumuşhaneyê

33- Baroya Colemergê

34- Baroya Xetayê

35- Baroya Îdirê

36- Baroya Ispartayê

37- Baroya Stenbolê

38- Baroya Îzmîrê

39- Baroya Mereş/Gurgumê

40- Baroya Karabukê

41- Baroya Qersê

42- Baroya Kastamonûyê 

43- Baroya Kayseriyê

44- Baroya Kirikkaleyê

45- Baroya Kirklareliyê

46- Baroya Kîlîsê

47- Baroya Kocaeliyê

48- Baroya Konyayê

49- Baroya Kutahyayê

50- Baroya Meletiyê

51- Baroya Manîsayê

52- Baroya Mêrdînê

53- Baroya Mersînê

54- Baroya Mûglayê

55- Baroya Mûşê

56- Baroya Nevşehîrê

57- Baroya Nîgdeyê

58- Baroya Ordûyê

59- Baroya Osmaniyeyê

60- Baroya Sakaryayê

61- Baroya Samsûnê

62- Baroya Sêrtê

63- Baroya Sînopê

64- Baroya Sêwazê

65- Baroya Rihayê

66- Baroya Şirnexê

67- Baroya Tekîrdagê

68- Baroya Tokatê

69- Baroya Dêrsimê

70- Baroya Trabzonê

71- Baroya Ûşakê

72- Baroya Wanê

73- Baroya Yalovayê

74- Baroya Yozgatê

75- Baroya Zongûldakê