Van Kirinên Nehuqûqî yên Vîna Gel Nahesibînin Em Qebûl Nakin. Daxwaza Me Ew e Ku Şaredarên Hilbijartî yên Girtî Derhal Werin Berdan û Cardin Li Karê Xwe Werin Vegerandin.

Îro serê sibehê zû polîsan girt ser mala Hevşaredara Navçeya Sûrê ya Amedê Filiz Buluttekinê. Li gorê ragihandina parêzerê hevşaredarê, polîsan Buluttekin û hevser û zaroka/ê wê yê/a 10 deh salî dirêjî erdê kirine û çek dane serê serê wan.

Şaredariya Sûrê şaredariya tekane bû ji aliyê gelê Amedê ve hatibû hilbijartin.

Di 19’ê Tebaxa 2019’an de qeyûm tayînê Şaredariya Mezin a Amedê hatibû kirin. Di pey re şaredarê hilbijartî Selçuk Mızraklı di 21’ê Cotmehê de hatibû binçav kirin, dotira rojê hatibû girtin. Mızraklı hêj jî di Girtîgeha Kayseriyê ya bi 550 dûrê Amedê ye de girtî ye.

Hevşaredara Peyasa Amedê Keziban Yılmaz di 22’ê Cotmehê de hat girtin û neqlî Girtîgeha Jinan a Kayseriyê ya 550 kîlometreyan dûrê Amedê ye hat kirin. Yılmaz hê ku di bin çavan de bû ji karê xwe hat kirin û qeymeqam qeyûm tayînê şûna wê hat kirin.

Şaredara Yenişehirê ya Amedê Belgin Diken, di 13’ê Mijdarê ji peywira xwe hat kirin û qeyûm tayînê şûna wê hat kirin.

Bi lêpirsîn û peyketinên qewîtîkirî girtina şaredarên ji aliyê gel ve hilbijartî û tayîn kirina qeyûman li şûna wan, nehuqûqiyeke mezin e.

Tayîn kirina qeyûman ji bo 33 şaredariyan hê ku bi temamî 9 meh nebuhurîne di ser hilbijartinê re demokrasî û vîna gel bi temamî ji navê rakiriye.

Van Kirinên Nehuqûqî yên Vîna Gel Nahesibînin Em Qebûl Nakin. Daxwaza Me Ew e Ku Şaredarên Hilbijartî yên Girtî Derhal Werin Berdan û Cardin Li Karê Xwe Werin Vegerandin.

 

Baroya Amedê