Em Sepanên Kêfî û Astengkar Ên Di Cejna Newrozê De Qebûl Nakin…

22.03.2022

Ji bo pîrozbahiya Newrozê ku di 21'ê Adara 2022'an de li Amedê pêk were, ji hêla Komîteya Amadekar a Newrozê ve serî li Walîtiya Amedê hatiye dayîn û teblîxên pêwîst hatine dabînkirin.


Weke salên dawî, îsal jî dihat xwestin ku bi girseyî beşdarî pîrozbahiya li Parka Newrozê bê kirin, lê li nuqteyên kontrolê ji hêla hêzên ewlehiyê ve li hemberî welatiyên ku hatin qadê astengiyên cidî hatin derxistin. Bi taybetî di derbarê cil û bergên herêmî de nêzîkatiyên pêşîlêgirtinê hatin kirin; pişt re mudaxileya zêde û bê hevseng hatiye pêkanîn. Di vê navberê de 74 jê zarok bi giştî 298 kes bi hinceta “beşdarê pîrozbahiya Newrozê bûne” hatine binçavkirin. Binçavkirin ji ber kirarî û maweya xwe ku bêyî gumana sûc hatiye kirin di çawaniya binpêkirina mafê civîn û xwepêşandanê û binpêkirina mafê azadî û ewlehiyê de ye.

Ji 74 zarokên ku ji azadiya xwe bêpar hatin hiştin 42 kes ji wan piştî nîvê şevê serbest hatin berdan, 32 zarok jî di encama kirariyên binçavkirinê de di şert û mercên nezaretxaneyên ku di hêla derfetên hejmarî û fizîkî de ne guncan in de hatin hiştin. Digel ku yek ji zarokên berdayî ji 12 salî biçûktir bû jî bi saetan ji azadiya xwe bêpar hat hiştin û kirariya tespîtkirina nasnameya wî bi dawî bû û radestî nûnerên xwe yên zagonî hat kirin. Şert û mercên zarokan a nezaretxaneyê, pêgirtina gelek kesan a li cihê ku divê bi hejmarî kêm kes lê bimînin sepanên binpêkirinî yên qedexeya muameleya xerab nîşan dide.

224 hemwelatî li Gerînendehiya Şaxa TEM'ê, Gerînendehiya Şaxa Organîze û Qaçaxçîtî û Asayîşê hatine pêgirtin, gelek kes piştî temamkirina kirariyên girtina îfadeyê ji ewlehiyê serbest hatin berdan. Lê tevî ku kirariyên îfadeyê bi dawî bûne jî, hemwelatiyên ku pêvajoya wan a binçavkirinê berdewam dikin hene.

Nêzîkatiya astengker a hêzên ewlehiyê ya li hemberî hemwelatiyên ku di wergiriya mafê kombûna aştiyane de ji bo pîrozkirina Cejna Newrozê hatine qadê, pêkanîna mudaxileya bê heq û bê hevseng, bê ku sedema zagonî hebe binçavkirina bê hincet, netêriya şert û mercên nezaretxaneyê, digel girtina îfadeyan bi dawîlêneanîna kirariya binçavkirinê maf û azadiyên bingehîn a hemwelatiyan tê binpêkirin.

Bi sepanên kêfî û sînordarkirina tevlîbûna Cejna Newrozê, ji ber binçavkirina 298 hemwelatiyên ku bi awayekî aştiyane beşdarî kirine divê di serî de mafê kombûn û xwepêşandanê gaveke zûtir sepanên ku maf û azadiyên bingehîn binpê dikin werin bidawîkirin, hemwelatiyên ku sînordarkirina azadiya wan berdewam dike divê demildest serbest bên berdan.

Weke Baroya Amedê em dê pêvajoya hiqûqî bişopînin û rapora xwe ya li ser binpêkirina mafan ku hatine jiyandin di zûtirîn demê de bi raya giştî re parve bikin.