Ji 75 Baroyan Daxuyaniya Hevpar; Divê Bêhiqûqî û Mexdûriyeta Ku Piştî Azmûna Navbeynkariyê Hatiye Çêkirin Were Rakirin

JI ÇAPEMENÎ Û RAYAGIŞTÎ ​​RE

Li ser biryara 9’emîn Dadgeha Îdarî ya Enqereyê ya ji bo betalkirina 3 pirsên Azmûna Navbeynkariyê ku di 24’ê Mijdara 2019’an de ji hêla Wezareta Edaletê ve hatibû kirin de ji nû ve nirxandin hatiye kirin. Encama nirxandinê di 08.11.2021'an de li ser malpera înternetê ya Seroktiya Daîreya Navbeynkariyê hatiye eşkerekirin û encamên azmûnê li gor xala 46/5 a Rêziknameya Qanûna Navbeynkariyê hatin nirxandin û lîsteyeke nû ya serkeftinê hat çêkirin. Li gor lîsteya ku hatiye çêkirin namzetên ku 92,78 pûan bi dest xistine serkeftî hatin dîtin û hat diyarkirin ku mafên kesên ku pêşî di azmûnê de hatibûn îlankirin veşartî tê girtin. Lê beriya vê daxuyaniyê di dîroka 07.10.2021'an de, arasteyî sepîna biryara Dadgehê ji hêla Seroktiya Daîreya Navbeynkariyê ve ji namzetên ku 88 pûan û zêdetirî wê girtibûn û têkçûyî hatibûn hesibandin re peyam hatibû şandin û daxwaz ji wan hatibû kirin ku ji ser Portala Navbeynkariyê serlêdana sicîlê bikin û di vê çarçoveyê de daxwaza razandina aîdata têketinê û aîdata salane hatiye kirin û tehsîlat hatine kirin. Lê belê di daxuyaniya ku pişt re hat dayîn de hatiye ragihandin ku piraniya namzetên ku ji wan re peyam hatine şandin bi ser neketine. Li gorî encamên azmûna pêşîn hinek hempîşeyên me yên ku bi hejmara rast a 91 mafê navbeynkarbûniyê bi dest xistine bi nirxandina nû hejmara rast daketiye 88 (90,72 pûanî). Ji ber ku mafên wan ên bidestxistî tê parastin navbeynkarbûniya van navbeynkaran di sicîlê de didome, di encama nirxandina nû de kesên ku heman hejmara wan a rast heye ango 88 û zêdetirî wê rast çê kirine neserkeftî hatine qebûlkirin. Ev rewş di nav wekhevan de bûye sedema newekheviyê. Di xala 45'an a Rêziknameya Qanûna Navbeynkariyê de tê gotin ku: "Namzetên ku bi namzetên xwediyê pûana herî kêm û serketî tên dîtin re heman puanê girtine jî serketî tên hesibandin" û divê li gor vê hikmê piştî nirxandina duyemîn hemû namzetên ku bi kesê/a xwediyê pûana herî kêm ku di sicîlê de wek navbeynkar qeydkirî û 88 rast çê kirine û xwediyê pûana 90,72 ye ku pûana herî kêm e re heman pûan an jî jê zêdetir girtine û hemû namzetên ku xwediyê 85 pûan an jî zêdetirî wê ne û ji hêla Seroktiya Daîreya Navbeynkariyê ve ji wan re peyam hatiye şandin ku xerc û aîdatê razînin serketî bêne hesibandin. Ji hêla Seroktiya Daîreya Navbeynkariyê ve di derbarê pêkanîna biryara Dadgeha Îdarî ya 9’emîn a Enqereyê de daxuyaniya tetmînkar nehatiye dayîn û pêvajo bi awayekî zelal û bi venêrînî nehatiye meşandin. Di derbarê encamên eşkerekirî de ji hempîşeyên me yên ku beşdarî azmûnê bûne gelek gilî hatin kirin û diyar e ku windabûneke cidî ya mafan heye, nirxandina duyemîn ku hatiye kirin dijberî rêgeza wekheviyê û rêziknameya Makezagonê ne û ev dibe sedema newekheviya di navbera wekhevan de. Divê ji hêla saziyên pêwendîdar ve lêkolîneke berfireh bê kirin û encamên azmûnê ji nû ve bên nirxandin, raya giştî bi berfirehî bê agahdarkirin û ger hebe xeletî bê rastkirin, pêşî li ber mexdûriyetiyan bê girtin. Damezrana navbeynkariyê ku kêmkirina ciyawaziyên ku dê derbasî darazê bibin dide ber xwe, dê bi sepana ku bûye sedema mexdûriyê bi hezaran dozan re rû bi rû bimîne. Divêtiya aqilê hevpar e ku giliyên ku di van 2 salên dawî de hatine jiyîn beriya ku dozên nû werin vekirin bi riya lihevhatinê werin çareserkirin. Divê ji hêla Seroktiya Daîreya Navbeynkariyê ve pêvajo û kiryarên îdarî yên ku têne kirin li gor guncaniya heqaniyetê zelal û venêrinîbûna wan bê dabînkirin, ji du standardiyê were zivirîn û divê arasteyî ji holê rakirina mexdûriyetiyan kirarî pêk werin. Weke baroyên ku li jêr îmzeya wan heye, em bi rêzdarî ji raya giştî re radigihînin ku em dê şopdarê pêvajoyê bin.
 

Seroktiya Baroya Edenê

 

Seroktiya Baroya Semsûrê

 

Seroktiya Baroya Afyonkarahîsarê

 

Seroktiya Baroya Agiriyê

 

Seroktiya Baroya Enqerê

 

Seroktiya Baroya Antalyayê

 

Seroktiya Baroya Erdexanê

 

Seroktiya Baroya Artvînê

 

Seroktiya Baroya Aydinê

 

Seroktiya Baroya Balikesîrê

 

Seroktiya Baroya Bartinê

 

Seroktiya Baroya Êlihê

 

Seroktiya Baroya Baybûrtê

 

Seroktiya Baroya Bîlecîkê

 

Seroktiya Baroya Çewlîgê

 

Seroktiya Baroya Bedlîsê

 

Seroktiya Baroya Bolûyê

 

Seroktiya Baroya Bûrdûrê

 

Seroktiya Baroya Bûrsayê

 

Seroktiya Baroya Çanakkaleyê

 

Seroktiya Baroya Çankiriyê

 

Seroktiya Baroya Çorûmê

 

Seroktiya Baroya Denîzliyê

 

Seroktiya Baroya Amedê

 

Seroktiya Baroya Duzceyê

 

Seroktiya Baroya Edîrneyê

 

Seroktiya Baroya Xarpêtê

 

Seroktiya Baroya Erzînganê

 

Seroktiya Baroya Erzeromê

 

Seroktiya Baroya Eskîşehîrê

 

Seroktiya Baroya Dîlokê

 

Seroktiya Baroya Gîresûnê

 

Seroktiya Baroya Gumuşhaneyê

 

Seroktiya Baroya Colemergê

 

Seroktiya Baroya Xetayê

 

Seroktiya Baroya Îdirê

 

Seroktiya Baroya Îspartayê

 

Seroktiya Baroya Stenbolê

 

Seroktiya Baroya Îzmîrê

 

Seroktiya Baroya Gumgumê

 

Seroktiya Baroya Karabukê

 

Seroktiya Baroya Qersê

 

Seroktiya Baroya Kastamonûyê

 

Seroktiya Baroya Kayseriyê

 

Seroktiya Baroya Kirikkaleyê

 

Seroktiya Baroya Kirklareliyê

 

Seroktiya Baroya Kirşehîrê

 

Seroktiya Baroya Kocaeliyê

 

Seroktiya Baroya Konyayê

 

Seroktiya Baroya Kutahyayê

 

Seroktiya Baroya Meletiyê

 

Seroktiya Baroya Manîsayê

 

Seroktiya Baroya Mêrdînê

 

Seroktiya Baroya Mersînê

 

Seroktiya Baroya Mûglayê

 

Seroktiya Baroya Mûşê

 

Seroktiya Baroya Nevşehîrê

 

Seroktiya Baroya Nîgdeyê

 

Seroktiya Baroya Ordûyê

 

Seroktiya Baroya Osmaniyeyê

 

Seroktiya Baroya Sakaryayê

 

Seroktiya Baroya Samsûnê

 

Seroktiya Baroya Sêrtê

 

Seroktiya Baroya Sêwazê

 

Seroktiya Baroya Rihayê

 

Seroktiya Baroya Şirnexê

 

Seroktiya Baroya Tekîrdagê

 

Seroktiya Baroya Tokatê

 

Seroktiya Baroya Trabzonê

 

Seroktiya Baroya Dêrsimê

 

Seroktiya Baroya Ûşakê

 

Seroktiya Baroya Wanê

 

Seroktiya Baroya Yalovayê

 

Seroktiya Baroya Yozgatê

 

Seroktiya Baroya Zongûldakê