Rêya Destkeftina Îtibarê Ya Darazê Di Zêdetir Nêzikbûna Desthilatiyê Ya Bi Awayê Zihnî û Fizîkî De Nîne, Di Dûrbûna Ji Desthilatiyê Ya Heta Bikaribî De Ye.

 

JI ÇAPEMENÎ Û RAYA GIŞTÎ RE

19.08.2019, Amed

Dawetnameya Serokê Dadgeha Bilind ê birêz a di derbarê merasîma vekirinê ya sala edlî ya 2019-2020’an de ji Baroya me re jî hatiye şandin. Em nêrîna Baroya xwe ya di derbarê vê dawetnameyê de ku bi Lijneya me ya Rêveberiyê û deleqeyên me yên YBT(TBB)’yê re hatiye gotûbêjkirin bi raya giştî re parve dikin.

Daraza Tirkiyeyê, qeyran û wendakirina îtibarê ya herî mezin a salên dawî dijî. Em bi meseleya Kurd a qedîm û bi giloka pirsgirêkan ku li dor wê lod bûye, beşa wê ya mezin ji ber têkiliya desthilatî-darazê û bi bandora wê wendakirina darazê ya xweserî û bêhêliya xwe pêk tên re rû bi rû ne. Em wek Baroya Amedê; mijarên wek tayînkirina dozger û dadgeran, fakulteyên hiqûqê ku sedî derbas kirine û bi hezaran mezûnên hiqûqê yên bêkar, sepanên darazê ku hemû rêyên demokratîk ên muxalefetê dixitimîne, gefên li hember azadiya çapemeniyê, girtin û binçavkirinên kêfî, helwestên guhnedêr ên hember sepanên îşkence û kirariya xerab, qetilkirina jinan, îstismariyên zarokan, xwezaya ku ji bo çengek dolaran hatiye talankirin, qetilkirina karkeran, eziyeta arasteyî ajalan; rê û rêbazên dabînkirina bêhêlî û xwesriya mekanîzmaya darazê ku bi awayekî senkronîze bi hikûmetê re ku çavkaniya van pirsgirêkan tevan e tev digere, em amade ne ku di mercên wekhev de nîqaşkirin û pêşniyarên alternatîf pêşkêş bikin. Baroya Amedê, beriya niha meseleyên mafê mirovan, heq, hiqûq û edaletê di platformên cur bi cur de bi muxetabên wê re gotûbêj kiriye, nêrîn, pêşniyar û rexneyên xwe jî bi dilekî safî aniye ziman. Ger ji vir û pê ve jî derfet were dabînkirin, dê bi heman biryariyê van hewldan û rahijmendiyên xwe bidomîne. Lê dê tucar di paldanka guhdêran de rûnene, hewl nede ku qulpoka cubeyê bigre. Lewre em nûnerên parastina xweser in û ji hemû gelê me re deynê me yê hiqûq û edaletê heye.

Waliyê Colemergê gotiye “Erdnîgarî qeder e”! Me di erdnîgariya ku em tê de dijîn de ji sûcên ku li hember mirovahiyê di kategoriya sûc de ne û binpêkirinên mafên mirovan ên giran re jî şahidî kiriye. Hemû qewimîn bi destê dewletê an jî di bin agahiya wê de pêk hatin.çawa ku hêna jî hesabê yek ji wan nehatiye pirsîn di vê erdnîgariyê de birînên nû tên vekirin. Em wekî çiranekê xwînî dibin. Israra Dewletê ya rûbirû nebûnê û polîtîkaya bêcezatiyê berdewam dike. Dewlet lêdana Dayikên Şemiyê ku ji bo xizmên xwe yên wendakirî gorek dixwazin çêtir dibîne.

Em demên dawî de bûn şahidê dadgerên ku bi berxwedana hember biryarên DMME(AÎHM) û DZB(AYM)’yê sûc kirine. Hemû daraz bi hêza bêkontrol a desthilatiyê re ku dema dixwaze dadgehê belav dike, dozger û dadgeran ji peywirê digre, cihê wan diguherîne rû bi rû ne. Li hember wan blokeke desthilatiyê ku dema li hesaba wê were kar hewaleyî dadgehan dike, li hesaba wê neyê li naverastê tîne ziman ku biryarên dadgehê nas nake, beriya ku daraz biryara xwe bide pêçiya xwe dihejîne, diqîre û gefan dixwîne heye. Daraz di ber cankêşiyê de ye. Rêya xelasbûna ji vê Sendorma Stockholmê û rêya destkeftina îtibarê ya darazê di zêdetir nêzikbûna desthilatiyê ya bi awayê zihnî û fizîî nîne, di dûrbûna ji desthilatiyê ya heta bikaribî de ye. Ji ber ku em ji vê fikra ku wek gerdûnî tê qebûlkirin re dijraber dibînin em dê beşdarê merasîma vekirinê ya sala edlî ku li kuliyeya Serokkomarî tê kirin nebin.

Em jî ji vê derê, ji Amedê bang dikin; li Enqereyê Dadger tunene lê li Amedê parêzer hene. em wek Baroya Amedê hemû baroyên ku li hember vê pergala bêhiqûq in; li vê erdnîgariya qedîm ku neheqî, bêhiqûqî û bêedaletî qet kêm nebûye ji bo bangdana edalet û hiqûqê qetilkirina Serokê Baroya me Tahîr Elçî û hê jî nedîtina kiryarên wî jî li ber çav werin girtin, ji bo banga aştî û edaletê bê kirin em wan di 2’yê Îlonê de vedixwînin Amedê.

Lijneya Rêveberî ya Baroya Amedê